top of page
Untitled (1920 × 1080 px) (2).png

Għajnuna b’Xejn minn Tobba Pro-Choice

Huwa importanti li kull mara li tagħmel abort, speċjalment jekk tuża pilloli tal-abort id-dar, ikollha aċċess għal informazzjoni u kura medika jekk ikun hemm bżonn. Dan skont ir-rakkomandazzjonijiet tal-Organizzazzjoni Dinjija tas-Saħħa. Irrispettivament mill-istatus legali tal-abort, nafu mill-inqas mara waħda kuljum f'Malta tagħmel l-abort id-dar bil-pilloli, u oħrajn jagħmlu abort fi klinika barra minn xtutna.

L-Abortion Doula Support Service huwa servizz ta' informazzjoni provdut minn tobba favur l-għażla* li huma kapaċi jipprovdu:

  • Informazzjoni qabel, waqt, jew wara abort bil-pilloli d-dar

  • Informazzjoni u appoġġ qabel jew wara abort fi klinika barra minn Malta

  • Informazzjoni dwar x'inhuma s-sintomi normali wara abort, u x'tista' tkun kumplikazzjoni li teħtieġ attenzjoni

  • Informazzjoni dwar x'għandek tagħmel jekk taħseb li t-tqala kompliet wara abort

  • Informazzjoni lil nisa bi problemi mediki waqt it-tqala, anke jekk jiddaħħlu f’Mater Dei jew sptar ieħor, dwar l-għażliet ta’ abort f’Malta jew barra minn Malta.

* Iż-żewġ tobba li jipprovdu dan is-servizz huma Prof Isabel Stabile u Dr Natalie Psaila.

Imla din il-formola u jċemplulek lura:

Tista' wkoll iċċempillhom fuq 20341683 jew 27782758.

Jekk ma jkunux jistgħu jwieġbuk mill-ewwel, jekk jogħġbok ħalli messaġġ (voicemail) bin-numru tiegħek u jċempluk lura. Meta jċemplulek lura, in-numru li jitla jkun wieħed mir-Renju Unit: +447893952639.

 

Jekk tippreferi tkellimhom fi klinik, għidilhom meta ċċempel biex tara jistgħux jirranġawlek appuntament.

Tista' ssib aktar informazzjoni fuq il-websajt tagħhom www.abortiondoulamalta.com.

bottom of page